قول لي يا ريس نحاسب مين
قول لي يا ريس نحاسب مين على سرقة الملاين
نحاسب مين لما الناس كلها تبات جعانين
نحاسب مين لما انت تقول يا شعب موتوا
والشعب من خوفه يمشى ورآك يقول آمين
شعبنا يا ريس كان ورا احمد عرابي وقفين
واختار محمد على بالدراع غصب عن العثمانيين
مش هو دا الشعب والا دا موضوع بقاله سنين
أخوك السادات مره قال يا شعب الرغيف يزيد مليم
الدنيا قامت ومقعد تش بقا بيسأل مين قومها مين
قولي يا ريس مين فى انتخاباتك قال أنا قصاده مين
واللي قلها يا ريس نعمان وأيمن دلوقتى هما فين
يا كبد أمهم عليهم بقوا فى عداد المعتقلين
الله اكبر بلد ديمقراطي بجد وبالعند في الحاقدين
قول لي يا ريس بس نحاسب مين
نحاسب مين لما الناس على طوابير العيش بقوا مجانين
دا يموت ودا يخطف ودا يسرق قلت انتو مين
قلت انتوا الشعب المصري والا عيوني كدابين
قالوا احنا بس منين نجيب رغيف العيش منين
قلتلهم اكلموا قولو لأ اصرخوا قالو إحنا فاضين
أخوك مبارك لهانا فى اللقمة والنوم والعييلين
وان اتكلمت البكس يخدك ومتعرف انت رايح فين
وان سألت يقولو ريحين لأخوك ( ....) حبيب الملاين
قلى يا ريس نحاسب مين