موضوع: ما تعرفونا على تامر بجد بقى الأحد نوفمبر 23, 2008 12:47 pm
بسم الله الرحمن الرحيم
الكل يعرف تامر حسنى الفنان بس كتير اوى مننا ان مكانش الكل عنده فضول جامد و يتمنى يعرف اكتر عن تامر حسنى الانسان و انا أولكم اى نعم احنا كرابطة عشاقه نعرف عنه كتير عن اخباره و حياته و عيلته لكن برضه يفضل فينا الفضول اننا نعرف اكتر عن حبيبنا واللى بيعبر عنا دايما " تامر حسنى " الانسان اللى قدر يجمع ملايين من مختلف الاعمار والطبقات على حبه
كام واحد فينا يعرف تامر حسنى وعلى اتصال دايم بيه ؟ كام واحد فينا شاف تصرفاته أو طريقة تعامله مع الناس ؟ كام واحد قابله واتكلم معاه ودار بينه وبين تامر حوار وعرف دماغه فيها ايه ؟ كام واحد عرف تامر من جواه ودخل بيته وشاف عيلته ؟
أكيد طبعا قليلين مش كتير .. ناس محظوظه
هنا حنتكلم معاهم .. مع كل اللى يعرفوا تامر حسنى شخصيا واللى لاحظنا وجودهم المتكرر مع تامر فى كذا توبيك نزلوه ومن خلال دردشتنا سوا حنعرف اسرار ومواقف وحاجات كتير اوى منعرفهاش وحنقرب من خلالهم لتامر اكتر واكتر وفى نفس الوقت مطلوب ان تكون الاسئله منطقيه وضيوفنا يعرفوا يجاوبو عليها
كان معانا المبخت قصدى الضيف الاول : ادارتنا الجامده اوى " جــــيـــــمـــــى " بعده كان مشرفنا الجميل "Ali Zoro" بعدهم كانت معانا " dollymony" وكان معانا العمده " نبيل معتوق" ودلوقتى معانا " cat woman" عايزين نعرف منكم بقى بداية معرفتكم بتامر كانت امتى وازاى اوصفلنا اول مقابله ليك مع تامر بالتفاصيل الممله
والاسئله دى لجيمى هل بقى فى اختلاف فى شكل علاقتكم ببعض بعد ما عملت الرابطه ؟ يعنى فى فرق بين جيمى الادمن وجيمى المعجب بتامر ؟
دى بدايه كده عقبال ما جيمى يجى ويرد و مش هوصيكم بقى عالاسئله ابتدوا جهزوا وطبعا اى حد يعرف تامر عن قرب او دايم الاتصال بيه سواء مشرفين او اعضاء يبعتلى رسالة خاصه عشان حيكون ضيف معانا قريب انشالله واللى عارف عن حد هنا انه بيكلم تامر علطول يفتنلى عليه وانا مش حجيب سيرته خالص
الخميس ديسمبر 31, 2009 7:07 pm من طرف ممدوح
اليومية
:
